رثاء الشيخ فيصل مسعود الجملان

قصيدة قالها الشاعر ابو طراد الحريري (ذيب اللجاة) في رثاء الشيخ فيصل بن صالح مسعود الجملان
لا باس يا قلب جفا الليل والنوم
والعين عييت عن لذيذ الرقادي
تواردت بالفكر جولات و هموم
قمت اتذكر ما مضى من حوادي
الله يالدنيا بها الشي مقسوم
فيها الحزن وايام فيها السعادي
اقلب الخفاق من يوم ليوم
ويطري على بالي كرام الايادي
اهل السخا والطيب والعلم وسلوم
واهل الدلال المرجفات العوادي
البعض منهم صار ذكرى ولها علوم
لا وا خساره فقدهم يالجوادي
يا حيف يا حلو النبا صرت مرحوم
ويا حيف منزالك ذيك النوادي
مرحوم يا من بالكرم تذبح الكوم
و مرحوم يا حلو النبا والمبادي
مرحوم يا خلفت صناديد وقروم
ياللي على فعل النفيلات بادي
انشهد انه راح يا جواد قيدوم
فيصل سمي السيف ذيب الحمادي
قلبي على الزينيين لا شك متلوم
كني صويبً ماضيات الهنادي
عليك يامن كان بالهرج محشوم
ويعرف سوالف حضرها والبوادي
شيخً يزبن بالقسى كل مضيوم
وربعه على الطيبات لهم ريادي
ولو كنت ابذكر منهم كل شغموم
بديت انا بسعدون طير الهدادي
القاضي اللي بين الاجواد زيزوم
شيخ من اللي صيتهم بالبلادي
حّلال بالعسرات يفرد لها الزوم
ويفكها من غير لين و هوادي
يا موت قلبي والله اليوم ماسوم
اترك لنا الزينين ربع المبادي
اللي ليا شان الدهر يرخص السوم
وكفوفهم كالسيل صادر وغادي
جاوب وقال العمر يالذيب مقسوم
الموت صياد الخلق بالوكادي
انطر وهاك العلم تاتيك العلوم
من خلق مات وكل ابونا غوادي
ولا صار قلبك هذا الايام مزعوم
هدي ورجو الله درب الرشادي
امنت باللي من الفجر لوجه نقوم
الواحد العلام سر العبادي
الله يرحم من غدى اليوم مرحوم
وصلو على المبعوث للدين هادي

ابو طراد ذيب اللجاة